തെളിവുകള്‍

സത്യമേ പറയാവൂ

ആരാണ്  ബട്ടന്‍  അഴിച്ചത്?

ആരായിരുന്നു മുകളില്‍?

അയാളോ  കുട്ടിയോ?

അവളുടെ കുടല്‍  പിരിഞ്ഞു

ശര്‍ദ്ദില്‍  തൊണ്ടക്കുഴിയോളം എത്തി

ഇടതു കൈവിരലിലെ നഖങ്ങള്‍

വലതു കൈത്തണ്ടില്‍ ആഴ്ന്നിറങ്ങി

ഉം  പറയൂ ..സത്യം  മാത്രം

അന്നു ധരിച്ചിരുന്ന

അടി വസ്ത്രത്തിന്‍റെ നിറം ?

ഓര്‍മ്മയില്ലേ? പറയൂ ..

എട്ടു വര്‍ഷമായ്  ഓര്‍മ്മിക്കുന്നു

 ഓര്‍ത്തോര്‍ത്തു  ബാക്കിയെല്ലാ -

 ഓര്‍മ്മകളും  മാഞ്ഞുപോയ്

അന്നത്തെ  ഇരുട്ടുപിടിച്ച പകലൊഴികെ

മറക്കാന്‍  അവളെ ആരും  സമ്മതിച്ചില്ല ....